Letzte Änderung: 27.01.2012

J. Rave
St.-Ursula-Gymnasium Attendorn

Kontakt
 

Archäologie-AG

Geschichte Attendorn

Lehrer-Online

Learnline/Geschichte
Link funktioniert zur Zeit nicht - Umgestaltung

 Geschichte im 16-Meter-Raum

Jüdisches Leben und Sterben in Attendorn
1933-1945

Präsentationen

Klett-Verlag:
Antike
und
Mittelalter
 (CDs)

Filmprojekt
Zunftaufstand

AG-Simulation

Godart von Ewich verkauft sein Gut mit Zubehör an den Probst der Regular-Kanoniker in Neuß

Original im Staatsarchiv Münster

Ich Johan van Dusenschuren, gogreve to Attendaren to ter tiid, bekenne overmitz dussen oppenen breyve, dat vor my ys gewest yn dem g ogerichte to Attendaren, dair ich staid und stoil beseten hadde des ghehegeden gerichtes, Godart van Ewich und hevet dair vor my bekant vor sich und al syn erven, dat hie vor ene summe geldes, de eme genoucliche to synen wyllen wol betaeld sye, hebbe rechtes, steden, vasten ervekopes rechtliche und redeliche verkofft deme proveste van Nuysse der regulerer und synen nakomelingen syen erve und guyd to Ewych mit al syner tobehoringe, nicht uytghescheyden, vortmer syen guyd to Berninchusen yn dem kerspel to Drolshagen gelegen und syen guyd und erve to 0veren Veysche yn dem kerspel to Helden mit al dussen vorscreven guyde und erve tobehoringe, wu dey gelegen synt, und hevet vor my dusse vorscreven erve und gude mit al eren tobehoringen upgelaten mit bande und mit munde yn hand des vorscreven provestes van Nuysse, neyn recht eme noch synen erven dairan to behoelden, und ys vort der vorscreven guyde und erve mit al er tobehoringe uytghegaen vor sych und seyn erven, alse des gherichtes recht ys, so dat hie noch syen erven noch neymand van erre weghen neynileyge wyes recht noch ansprake dairan hebben en solt noch en moghen to ewyghen daghen na giffte dusses breyves, und wyl em der gude und erve rechte rechte warschop doen hie und syen erven, war eme de noit und behoff ys sunder yrleyge wederrede sunder argelist. Und wante dusse vorscreven bekentnisse kopes und uplatinge der vorscreven erve und gude mit al eren tobehoringen vor my in dem gogerichte yn alre mate, also vorscreven ys, ghescheyn synt, dair over und an sint gewest Dyderic ten Eken, Johan Spedinchusen, gekorne und gesatte stantnoten disser sake. So hebbe ich umb bede wyllen Godardes van Ewich vorscreven dussen breyff mit eme besegelt yn eyn tuch der warheyt aller vorscreven puncte. Vort so hevet Godart van Steynen und Rotger, syen broder, yn dem vorgescreven gogerichte vor my bekant, dat sie dussen vorscreven kop geleyvet und vulbort hebben mit guden willen, und hebbet vort gantze rechte vertichnusse ghedaen up alle verval, dat en van dussen vorscreven erven und guden ansterven ofte anvallen mochte. Des to oirkunde so hebbe wy Godart und Rotger brodere van Steynen vorscreven unse ingesegel mede an dussen breyff gehangen. Datum et actum anno domini millesimo quadringentesimo vicesimo feria secunda infra octavas assumptionis Marie virginis gloriosae.

zurück